COMUNICATO STAMPA

^{Dal lontano 1996 su  quotidiani italiani (ultime pubblicazioni :IL GAZZETTINO e IL MESSAGGERO del 24.08.04), vengono  pubblicate  notizie di sequestri per delle bevande aromatizzate ai fiori di canapa.}

^{Informiamo la ns. Spett.le Clientela che quanto viene pubblicato da questi quotidiani non riguarda la ns. birra  a marchio registrato " CANNABIS" prodotta secondo la Legge 1354/62 .}                   

^{Purtroppo notizie pubblicate in modo ambiguo e poco chiaro possono  intimidire la ns.  Clientela.} 

^{Noi siamo  Legalmente preparati,  ci prendiamo tutte la responsabilita' civili e penali sulla qualita dei ns. prodotti nei confronti dei ns. Clienti.}

^{Ben sapendo inoltre; che il ns. prodotto  e' sotto osservazione speciale, siamo convinti che questa e' un ulteriore garanzia di sicurezza per i ns. consumatori ed uno sprono per noi a produrre sempre con la  migliore qualità.}

^{Per conoscenza provvediamo ad allegare alcuni documenti e sentenze passate in giudicato(entra ) .}

^{-Clicca ed entra per vedere articoli vari}

^{-Clicca ed entra per avere consigli utili}

^{-Clicca ed entra per vedere le proprietà della birra Cannabis}

^{(Autore dell’articolo G.Torresan, 2004)}  

^{Alcune persone  vedono  un’impresa   privata  come  una  tigre feroce da uccidere sul nascere,  altri   come   una  mucca da mungere, pochissimi la vedono com’è in realta: un robusto cavallo che traina un carico molto pesante}

^{Winston Churchill}

^{DE CEVESIA}

^{Antiquitus homines ex frumentis quibusdam ebriamina coquunt et suco hordaceo crapulam potant. Testimonia vetustissima inveniuntur in Babylonia, ubi homines iam circiter annum 2800 a. Chr. n. cervesiam braciaverunt; fama fert Deum Osirem anno 2017 a. Chr. n. hanc potionem in Aegyptum induxisse. Aegyptiis mox fiebat potio nationalis, sicut narrat Herodotus, quia vites eis non fuerunt. Graci vero et Romani cervesiam aspernabantur et vinum longe praeferebant.}

^{Caesar Iulianus Apostata (332-363 p. Chr. n.) carmen ioculare scripsit de cervesia. Ibi dicit vinum nectar, cervesiam hircum olere. Sed auctores Romani referunt Hispanos et Scythas et Gallos et Germanos cervesiam bibendi cupidissimos fuisse.}

^{Anno 1516 p. Chr. n. Guilelmus IV. (1493 - 1550), dux Bavariae, edictum proposuit, quo mandavit ex nullis aliis substantiis braciaretur nisi ex hordeo et lupulo et aqua. Hoc edictum, quod etiam hodie braciatores Germanici observare debent, nominatur "praeceptum puritatis".}

^{Hordeum post germinationem tostum maltum appellari solet. -Lupuli nomen ducitur a sapore amaro. Lupulus in agris et hortis colitur.}

^{Lupuli ope cervesia conditur et conservatur. Planta lupulus inde e temporibis mediaevalibus seritur. Nomen botanicum est humulus lupulus. Refertur in numero "Cannabacearum", illius familiae botanicae, in quo etiam "cannabis" invenitur. In conis strobolisve lupulis substantia est amara, quod lupulinum dicitur. In Bavaria et Virtembergia plurium lupuli colitur.}

^{II. Fabricatio malti et musti}

^{Hordei pars praecipua est amylum, hoc mutandum est in maltosum, quod fermentatione in alcohol et acidum carbonicum finditur. Braciatores autem hordeum germinandum curant, ut amylum aqua solvatur; nam non mutatur nisi solubile. Postea hordeum torretur. Maltum nunc aqua calida maceratur et cylindris specialibus frenditur.}

^{Tum iterum aqua additur; hanc pultem inspissatam malti "maltum maceratum" nominamus. Gradu Celsiano sexagesimo aut septuagesimo sexto caloris (60-70 °C) conditur.}

^{Calore processus mutationis diversi efficiuntur; praecipue amylum in maltosum aqua solubile mutatur. In alio vase nune partes solubiles malti a partibus insolubilibus disiunguntur. Solutio sic purificata nomen habet "musti". Hoc mustum per duas circiter horas una cum lupulo coquitur. Coquendo proteina praecipitantur et partes amarae lupulini solvuntur.}

^{Extractum i. e. omnes partes, quae nunc solutae sunt, mustum originale denominantur. Ante fermentationem solutio aqua diluitur; densitas originalis est portio musti originalis in hoc liquore recondita. Haec portio mensuratur et indicatur centesimis partibus ponderis.}

^{Fermentatione circiter tertia pars musti originalis mutatur in alcohol, tertia pars mutatur in acidum carbonicum, reliqua pars non fermentat.}

^{Ergo, si quae cervesia habet densitatem originalem duodenarum centesimarum (12 %) quaternae centesimae (4 %) alcoholis insunt.}

^{III. De Fermentatione.}

^{Biochemici de processibus fermentationis haec dicunt: Fermentatio est respiratio microorganismorum quorundam, qui oxygenio libero aëris non indigent.}

^{Hac de causa fermentatio respiratio anaëroba nominatur. Respiratio anaëroba fieri potest, quia illi microorganismi oxygenium in moleculis ligatum consumunt.}

^{Sed varia genera fermentationis existunt velut fermentatio acidi lactici et acidi butyrici, quae bacteriis quibusdam efficiuntur; sed hi microorganismi, qui fermentationem cervesiae et pastae paniceae excitant, a botanicis in numero fungorum referuntur et saccharomycetes appellantur.}

^{Fermentatio saccharomycetum alcoholica nominatur, quia hi fungi saccharum malti (id est maltosum) in alcohol aethylicum (quod in ebriaminibus est) et in acidum carbonicum mutant. Hodie saccharomycetes in officinis fabricantur. His fungis nomen zymae imponitur.}

^{Distinguimus autem zymam pistoriam et zymam cervesariam. Fermentum vel zyma est corpus, quod fermentationem excitat, auget, promovet. Hodie zymae cervesariae in bracinis aluntur et nutriuntur. Braciatores duo genera principalia zymae cervesariae distinquunt.}

^{Altera zyma in gradu Celsiano octavo nonove caloris (8-9 °C) fermentat et postea in fundum vasis fermentatorii subsidet; nominamus eam zymam infrafermentalem. Altera zyma in gradu Celsiano decimo quinto vicesimove (15 - 20 °C) fermentat; tum in superficiem cervesiae ascendit. Nominatur zyma suprafermentalis. Usque ad saeculum praeteritum braciatores communiter cervesiam suprafermentalem braciaverunt. Hodie hoc genus cervesiae raro conficitur.}

^{IV. Genera cervesiae Germanicae}

^{Species cervesiae.}

^{Distinguuntur cervesiae suprafermentales et infrafermentales. Hodie pleraeque cervesiae infrafermentales sunt.}

^{Cervesia veteraria est suprafermentalis. Haec cervesia in regione Rheni inferioris orta est. Nomen ducitur a modo braciandi vetere. Lupulo accipit saporem odoremque specialem aromaticum.}

^{Caeliae sive cereae (cervesiae). In horum numero refertur caelia Berolinensis. Huic cervesiae additur sucus rubi Idaei, ut temperetur sapor acidulus bacteriis acidi lactici effectus. Bibitur cannucia potaria.}

^{Alia cervesia suprafermentalis est Coloniensis.}

^{Cervesiae simplices (4,4-5,5 centesimarum [%] musti originalis)
Cervesiae cauponiae (7-8 % musti originalis)
Cervesiae validiores (11-14 % musti originalis)
Cervesia exportaticia (minimum 12,5 %)
Cervesia Pilonica et Pilonensis fabricatur secundum praecepta Braciatorum Pilonensium. Originaliter haec cervesia solum Piloniae braciabatur, sed hodie plerisque bracinis praeter exportaticiam etiam Pilonica conficitur. Anno 1841 braciatores Pilonenses societatem condiderunt et cervesiam suam "Pilsner Urquell" appellaverunt. Hoc nomen indicat locum fabricationis, quo titulo aliis bracinis non licet uti.}

^{Pilonensem dicamus, ut distingatur a Pilonica, quae non Piloniae braciatur, sed modo secundum praeceptum braciatorum Pilonensium. Pilonica habet circiter 11,5-11,8 % musti originalis (in Bavaria minimum 12,5 %). Pilonensis habet densitatem originalem undenarum centesimarum (11 %). In Pilonica plus lupuli inest quam in exportaticia. Adhibetur plerumque lupulus, qui solum in regionibus specialibus seritur.}

^{Alia cervesia validior est cervesia fumaria quae solum Bambergae braciatur. Maltum huius cervesiae torretur ligno, cuius fumus in maltum invadit et cervesiae aroma fumarium indit.}

^{Cervesia Martia. Densitas originalis minima est 13 %. Martia Octobralium Monacensium i. e. Martia pratensis habet minimam densitatem originalem 13,5 %. Est coloris sucinei. Usque ad saeculum praeteritum mense Martio ante pausam aestivam (lege constitutam) cervesia validior braciabatur Martia scilicet cervesia.}

^{Cervesiae fortiores (densitas originalis plurium quam 16 %).}

^{Cervesia Biccana}

^{Biccana originaliter Einbiccae (Einbeck) ex saeculo decimo tertio concoquebatur; saeculo quinto decimo et sexto decimo duces Bavariae hanc cervesiam secundum praeceptum Einbiccense importandam curaverunt. Anno 1612 braciatoribus electoris Maximiliani contigit cervesiam secundum praeceptum Einbiccense braciare. Inde ex hoc tempore Bavari ipsi Biccanam conficiunt. Hodie autem in multis bracinis (plerumque temporibus hiemalibus) praecipue biccana festiva. Biccana duplex habet minimam densitatem originalem 18 %. Monachi "Paulani" dicti i. e. monachi ordinis S. Francisci de Paula (+ 1507), qui monasterium prope Monachium aedificaverunt, antiquitus cervesiam fortem braciabant. Inde nomen cervesiae Paulanae. Dicebant: Liquida non frangunt ieiunium. Die secundo mensis Aprilis, festo conditoris Ordinis, cervesiam fortiorem concoquebant, quae dicebatur "oleum sancti Patris". - Anno 1799 Paulani monasterium Monacense reliquerunt. Anno 1806 Franciscus Xaverius Zacherl bracinam monasterii conduxit.}

^{Secundum morem monachorum mense Aprili etiam "oleum sancti Patris" cauponandum curabat, sed tum cervesiam nomine Salvatoris nuncupabat (Cervesia Salvatoria). Inde hodie multa nomina cervesiae fortioris in Bavaria inveniuntur, quae desinunt in litteris -ator. Hae densitatem originalem minimam 18 % habeant necne sunt.}

^{Biccana glacialis}

^{Methodo speciali refrigerationis a braciatoribus bracinae "Reichelbräu" Culmbacensis e biccana duplici fabricatur. Coloris paene nigri est. Sapor est maltosus, dulcis, gravis. Densitas originalis 24 %, i. e. circiter 7-8 centesimae alcoholis insunt. - Cervesia omnium longe fortissima totius orbis terrarum est "Kulminator-Urtyp-Hell". Concoquitur in bracina EKU i. e. Erste Kulmbacher Actien-Exportbier-Brauerei. Est etiam biccana glacialis; coloris est mellei et saporis dulcis. Habet densitatem originalem 28 %, i. e. circiter 8-9 % alcoholis.}

^{Memoranda sunt nomina velut cervesia diaetetica, nutricia et recondita, cervesia ad usum aestivum servata.}

^{Quae cervesiae omnibus prosint!}